Tirana nuk e ka marrë ende fitoren e parë në drejtimin e Nevil Dedes. Bardheblutë janë ndalur në barazimin pa gola kundër Bylisit, duke mos arritur që të gjejnë avantazhin pavarësisht tentativa me ndërtimin e aksioneve për të mposhtur kundërshtarin.
Kështu Bylisi ka arritur që t’i marrë një pikë rivalit duke vazhduar ecurinë negative të bardhebluve që vijnë pas eliminimit nga Kupa dhe humbjes kundër Vllaznisë. Por miqtë mund të dilnin me tre pikë nëse Laëal nuk do të gabonte me shënjestrën e tij në minutat e fundit, atje ku Tirana ka shpëtuar për mrekulli.
Një moment ky i vështirë që do të provojë edhe forcën e kryeqytetasve, nëse do të jenë konkurrent edhe këtë vit në Superiore për t’u shpallur kampion apo do të përsëritet historia e dështimit si te Partizani. /Sport Ekspres/