LIVE, Partizani-Apolonia 1-1, Cara 81′
Partizani ka dështuar të marrë 3 pikët në ndeshjen e sotme. Kur fitorja dukej më tepër si një detyrim për të kuqtë ka ardhur edhe hapi fals. Megjithëse e renditur në vendi ne fundit, Apolonia ka folur ndryshe në fushën e lojës. Te Fierakët ka nisur të ndihet dora e trajnerit Kamarata.
Ky i fundit zhvillonte sot ndeshjen e parë në krye të Apolonisë, por ka shënuar një sukses duke i marrë një barazim Partizanit. Fierakët janë mbyllur mirë mbrapa përgjatë gjithë ndeshjes, duke ia bërë të vështirë ndeshjen të kuqve. Këta të fundit përfituan nga një top i lënë në zonë gjatë një goditjeje nga këndi, ku Cara tundi rrjetën në minutën e 81.
Por përballja nuk përfundoi këtu, teksa në aksionin e fundit Apolonia hidhet e gjitha në zonën e Parizanit, ku nuk mungonte as portieri i tyre. Kur po numëroheshin sekondat finale, arbitri i fryn bilbilit dhe akordon një penallt, e cila përkthehet më pas në gol, duke tronditur kështu ekipin e Ilir Dajës./Halit Delibashi-Sport Ekspres/