Largimi i Donnarumas tek PSG me parametra 0 nga Milani ishte një kafshatë që nuk kapërdihet lehtë nga tifozët kuqezi. Ata kishin besuar se portieri 22 vjeçar do t’i bashkohej legjendave si Maldini dhe Nesta të cilët e mbyllën karrierën tek Milani.
Teksa kombëtarja italiane ishte duke kaluar në sheshin e Romës, një tifoz i indinjuar milanist i ka hequr buzëqeshjen Donnarumës. Thirrjet e tifozit milanist ishin “Donnaruma bukëshkelur”. Gigio u mundua të largohej menjëherë, në mënyrë që situata të mos agravohej. /Elio Hajdari-Sport Ekspres/