Edi Reja mund të buzëqeshë lirshëm, teksa një muaj përpara se Kombëtarja të grumbullohet për kualifikueset e Botërorit, sulmi kuqezi po prodhon vetëm gola. Uzuni, Manaj, Broja dhe Vrioni po shkëlqejnë me ekipet e tyre këtë verë, ndërsa listës së golashënuesve i shtohet edhe Sokol Cikalleshi.
Ky i fundit ka bërë heroin për Koniasporin ditën e sotme. Sulmuesi shqiptar ka vendosur takimin miqësor me Antaliasporin me golin e tij të shënuar në minutat e fundit. Ndeshja ka përfunduar me rezultatin 1-0, ndërsa Cikalleshi ka përfituar nga një pasim i gabuar i kundërshtarëve për të tundur më pas rrjetën./Halit Delibashi-Sport Ekspres/
Sokol Cikalleshi ? pic.twitter.com/OVVAvdp0Bt
— TÜMOSAN Konyaspor (@konyaspor) August 1, 2021