Trabzonspor është fituesi i Superkupës së Turqisë. Skuadra turke ka mundur kampionët në fuqi të Superligës, Bashakshehirin me shifrat 1-2. Goli i triumfit ka ardhur nga emër i njohur për tifozët shqiptar. Bëhet fjalë për ish-sulmuesin e Partizanit, Kaleb Ekuban. Ky i fundit ka bërë një sprint të fuqishëm nga mbrojtja e tij, ndërsa sapo vihet në zotërim të topit driblon edhe portierin kundërshtar për të tundur më pas rrjetën.
Ky gol në minutën e 85 të sfidës rezultoi të ishte ai që do të sillte edhe trofeun e Superkupës së Turqisë në duart e skuadrës së Trabzonsporit. Një sukses i madh ky si për klubin turk, ashtu edhe për vetë Ekuban, që ka mundësinë të shijojë një trofe të tillë në karrierën e tij./Halit Delibashi-Sport Ekspres/
https://twitter.com/BordoMaviii61/status/1354517365703245835