Juventusi nuk ka shkuar dot më larg se një barazim 1-1 kundër Atalantës. Ndeshja e luajtur në Torino është zhbllokuar fillimisht nga Kieza, i cili me një perlë nga jashtë zone ka ka kaluar në avantazh bardhezinjtë. Megjithatë bergamaskët nuk janë dorëzuar dhe kanë barazuar shifrat në pjesën e dytë, ku Frojler shtang Sheznin me një supergol.
Një duel ku kryefjala ishte spektali mungoi protagonizmi i Ronaldos. Ylli portugez nuk e shënoi dot emrin e tij në listën e golashënuesve, megjithëse pati shansin e pastër pak minuta pas golit të barazimit. Gjyqtari akordon penallti për “zonjën e vjetër”, por edhe nga 11 metrat, ku ka qenë i saktë në javët e fundit, Ronaldo nuk e ka dërguar dot topin në rrjetë. Golini pret penalltinë e 5 herë fituesit të Topit të Artë dhe ky i fundit i heq kështu fitoren nga duart Juventusit./Halit Delibashi-Sport Ekspres/
https://twitter.com/AtalantaGoals/status/1339286632000872448
https://twitter.com/susy_juve/status/1339269982295822337
https://twitter.com/FootballHeadqu1/status/1339282882951516165