Gara në grupin e shtatë po bëhet edhe më e ashpër. Sllovenia U21 “ka dhënë një dorë” Shqipërisë këtë mbrëmje, teksa ka mbajtur në një barazim 1-1 Çekinë. Një rezultat ky që mban përsëri në lojë kuqezinjtë për vendin e dytë, por për të tilla llogari nevojitet fitore në ndeshjen e sotme me Kosovën.
Çekia ka luajtur me një lojtar më pak në fushë për afërsisht 60 minuta, por pavarësisht kësaj në fund ia ka dalë të marrë një pikë në këtë transfertë dhe të mbajë përsëri vendin e parë në grup. Një pasim i gabuar i portierit slloven ka sjellë aksionin e golit për çekët, që përballjen e radhës e luajnë në muajin mars me Shpresat e Alban Bushit./Halit Delibashi-Sport Ekspres/