LIVE, Slloveni U21-Shqipëri U21 3-0 Bosilj 7′, 75′ Matko 24′
Fitorja e djeshme e Anglisë kundër Çekisë erdhi si një “dhuratë“ e bukur për kuqezintë, të cilët kishin shansin e artë për mbërritur vendin e parë dhe për të synuar më pas realizimin e ëndrrës për tu kualifikuar në Europianin e 21-vjeçarëve. Por në momentin kur pritshmëritë ishin në majë, Shpresat hedhin një hap fals. Djemtë e Alban Bushit tronditen në Slloveni, ku humbasin me rezultatin 3-0.
Ernest Muçi kishte mundësinë të kalonte në avantazh Shqipërinë që në minutën e 3-të, kur qendornte përpara portierit kundërshtar nga pika e bardhë e penalltisë. Por sulmuesi i Legias e dërgon topin jashtë kuadradit, duke shpërdoruar kështu shansin t’i jepte ndeshjes një tjetër rrjedhë. Sllovenia nuk vonon shumë dhe thotë fjalën e saj, teksa kalon në epërsi në minutën e 7. Sllovenët do të shkundnin edhe dy herë të tjera portën e mbrojtur nga Tafas, me anë të Matko në minutën e 24-t dhe më pas me anë të Bosilj në të 75-tën./Halit Delibashi-Sport Ekspres/