Sulmuesit e Kombëtares shqiptare kanë bërë Edi Rejën të buzëqeshë, teksa kanë shpërthyer në fushën e lojës. Florian Kamberi u kurorëzua më i miri i ndeshjes ditën e djeshme, ndërsa sukses përjetuan Sokol Cikalleshi me dy golat e tij, si dhe Armando Broja me rrjetën e tundur ditën e sotme kundër PSV-së.
Por një tjetër emër shqiptar lë gjurmët e tij mbrëmjen e sotme. Bëhet fjalë për Rei Manajn, i cili në ndeshjen që po luhet kundër Hospitalet është protagonist absolut. Dy gola dhe një asist mbajnë firmën e tij dhe gjithçka ka ndodhur në hakrun kohor të vetëm 45 minutave./Halit Delibashi-Sport Ekspres/
https://twitter.com/Mica32x/status/1363554405468033025