Shqipëria është kritikuar jo pak edhe pas barazimit të marrë në transfertën e Uellsit. Kombëtarja arriti që të ndalte kundërshtarin që ka shumë kualitete në skuadër dhe mbi të gjitha që do të marrë pjesë në Europian.
Në pjesën e muskujve, Shqipërisë nuk i mungonte asgjë për të fituar duelet fizike me rivalët e Uellsit. Por ajo që mbetet për t’u përmirësuar është organizimi i lojës sulmuese dhe vihet re mungesa e një lojtari inteligjent që mund të jep vertikalizime, që mund të dribloj dhe ta bëjë detyrën më të lehtë për sulmuesit që të godasin portën kundërshtare.
E vetmja shkëndijë ndaj Uellsit erdhi me driblimin e Sherif Kallakut që do të linte pas vetes edhe Gareth Bale. Karriera e këtij futbollisti nuk po vazhdon në lartësinë e parashikuar për shkakun se është lënë shpeshherë në stol te Lokomotiva e Zagrebit, ndërsa ekipi kroat kishte sezonin më të dobët të viteve të fundit. /Sport Ekspres/
