Azdren Llullaku është rikthyer te goli, teksa ka barazuar përkohshësisht sfidën ndaj Kraiovës, të cilën në fund, Astra arriti ta fitonte me shifrat 1-2.
Fillimisht ishin vendasit që kaluan në avantazh, por në minutën e 76-të ishte lojtari i kombëtares tonë, i cili pas një krosimi që i erdhi nga e djathta goditi mjaft bukur, duke shkundur rrjetën.
Festa, si gjithnjë me shqiponjë. Ky ishte goli i gjashtë për Llullakun në kampionat, teksa 31-vjeçari ka kontribuar dhe me gjashtë asist gjithashtu.