Rei Manaj ndodhet në një formë të mirë dhe psikologjike. Goli i shënuar me Serbinë e ka çliruar tërësisht këtë futbollist që sot ka realizuar një tjetër gol. Në ndeshjen mes Al Sharjah dhe Al Dhafra të mbyllur në pjesën e parë në shifrat 2-0, Manaj do të shënonte në fundin e pjesës së parë.
Një gjuajtje e saktë teksa ndodhej në brendësinë e zonës dhe festa që nisi me trajnerin e tij. Ndërkohë kjo ndeshje ka edhe 45 minuta të tjera për të luajtur, atje ku Manaj mund të thellojë shifrat. /Elio Hajdari-Sport Ekspres/