Realdo Fili po gëzon një formë të mirë në radhët e Botoshanit. Lojtari shqiptar ka marrë sërish rolin e protagonstit, duke tundur rrjetën në “festivalin e golave” të skuadrës së tij. Botoshani ka mposhtur me rezultatin 4-0 Dinamon e Bukureshtit, ndërsa golin e fundit të takimit e ka shënuar pikërisht Fili.
Futbollisti 25-vjeçar ka shënuar një supergol nga distanca, duke mposhtur portierin kundërshtar me goditjen e tij. Goli ka ardhur në minutën e 84-t të takimit dhe ka hipotekuar fitoren e Botoshanit, i cili gjendet në vendin e 4-t të tabelës së renditjes me 41 pikë të grumbulluara./Halit Delibashi-Sport Ekspres/