Një rini e dytë është ajo që Zllatan Ibrahimoviç po përjeton këtë sezon. Sulmuesi suedez po tërheq Milanin në krye të Serie A, duke i dhënë një fytyrë krejt tjetër nga ajo e një sezoni më parë. Patjetër që një sukses i tillë arrihet vetëm me punë të palodhur dhe përkushtim në stërvitje. Madje edhe duke sfiduar kushtet atmosferike.
Moti i keq nuk e ka ndalur aspak gjigantin e sulmit kuqezi, i cili ka postuar ditën e sotme një video në llogarinë e tij zyrtare në “Twitter”, ku shihet duke vrapuar në dëborë. “Provoni të më ndalni”, ishte mbishkrimi i Ibrahimoviç, që jep mesazhin e qartë se nuk ka ndërmend të dorëzohet para asgjëje këtë vit, pavarësisht se është në moshën 39-vjeçare./Halit Delibashi-Sport Ekspres/
Try to stop me pic.twitter.com/3yocVv8tIN
— Zlatan Ibrahimovi? (@Ibra_official) December 6, 2020