Arsenali arriti që të fitonte në shifrat 0-2 ndaj Leiçester, por e gjitha kjo erdhi vetëm falë meritës të portierit Ramsdale. Gardiani 23-vjeçar ka ardhur nga Sheffield United për 30 milionë euro dhe i ka përmbushur pritshmëritë. Kulmi i performancës fantastike është arritur në goditjen e dënimit të James Maddison.
Lojtari i Leiçester dhuroi perlën nga 20 metra distancë duke gjetur këndin e pamundur. Kur të gjithë prisnin që sfera të përfundonte në rrjetë, në atë moment shfaqet dora e Ramsdale që i mohon golin e sigurtë. Më pas gardiani i Arsenalit ishte i gatshëm për të ndaluar edhe tentativën e dytë duke treguar më së miri vlerat e tij. /Elio Hajdari-Sport Ekspres/
Best save from Ramsdale. #Arsenal @Arsenal pic.twitter.com/zAiLZ5RC52
— Atuhairwe Nicholas (@AtuhairweNic) October 30, 2021