VIDEO/ “Po të pyeste dikush tjetër do përgjigjesha”! Jurgen Klopit nuk i mbajnë nervat pas humbjes, refuzon t’i përgjigjet gazetarit

Liverpuli po kalon një formë mjaft të dobët këtë sezon. Të kuqtë gjenden larg garës për titullin kampion, teksa sot kanë marrë edhe humbjen e radhës. Ekipi i Jurgen Klopit është mposhtur jo pak, por 3-0 nga Ulverhemptoni.

Trajneri gjerman nuk ka qenë aspak i qetë pas kësaj disfate dhe kjo është vënë re në konferencëne tij për shtyp. Klopi ka refuzuar t’i përgjigjet pyetjes së njërit prej gazetarëve të pranishëm, duke e kthyer situatën në personale.

“Është e vështirë të flas me ty, për të qenë 100% i vërtetë. Do të parapëlqeja të mos e bëja. Ti e di përse. Për të gjitha ato gjërat që ke shkruar. Kështu që, nëse dikush tjetër do të më bëjë këtë pyetje, atëherë do t’i përgjigjem”, ka thënë Jurgen Klopi./Halit Delibashi-Sport Ekspres/

Jurgen Klopp refuses to talk to a reporter ? pic.twitter.com/3atCBErYEM

— GOAL (@goal) February 4, 2023