Atletico Madrid hedh një hap të sigurt drejt titullit kampion pas fitores 2-1 ndaj Real Sociedad. Tre pikëshi ishte detyrim për skuadrën e Simeones, pasi një hap fals mund t’i jepte një dhuratë Realit të Madridit për të marrë kreun. Atletico e nisi me mjaft vrull, teksa Carrasco në minutën e 16-të dhe Correa në të 28-tën, mbyllën pjesën e parë në shifrat 2-0.
Në pjesën e dytë, djemtë e Simeones u fokusuan në administrimin e ndeshjes, duke i rralluar sulmet në portën e Real Sociedad. Në minutën e 83-të Zubeldia ngushton shifrat në 2-1, dukë trembur paksa kryesuesit e La Ligas. Megjithatë, për kundër vështirësive Atletico e mbyll me këtë rezultat, duke marë tre pikë mjaft të rëndësishme. Kjo skuadër ka dhe dy ndeshje për ta mbyllur si duhet këtë sezon dhe për të thyer hegjemoninë e Realit dhe Barcelonës në La Liga. /Elio Hajdari-Sport Ekspres/