Sezoni i Kategorisë Superiore i dha verdiktet e tij përfundimtare të mërkurën, kur Teuta ngriti lart titullin kampion. Një trofe ky që vetëm një javë para fundit i ikën nga duart Partizanit. Të kuqtë kanë mbetur ende peng i asaj penalltie të dhënë në favor të Vllaznisë, që në fund rezultoi fatale në luftën e tyre për titull.
Olsi Ramës duket se ende nuk i ka dalë inati për këtë vendim, teksa nëpërmjet llogarisë së tij në rrjetin social “Instagram” vijon me krahasimin me rastin e ngjashëm në finalen e Europa League mes Villareal dhe Manchester United. “Për të gjithë ju që për rastin e finales së Europa League thonit që topi nuk po shkonte në portë”, shkruan drejtori i Partizanit bashkangjitur videos me rastin në fjalë./Halit Delibashi-Sport Ekspres/