Barcelona po vazhdon që të mos bind tifozët e saj dhe pjesa e parë kundër Alavesh është mbyllur në barazimin pa gola. Asgjë e krijuar për katalanasit që kanë merituar vërshëllimat e tifozëve. Por një rast për t’u veçuar në ato 45 minuta është largimi i Agueros nga fusha e blertë.
Pas një dueli në ajër dhe pa kontakt me futbollistët kundërshtarë, sulmuesi kërkon ndihmën e mjekëve dhe është shtrirë në fushën e blertë pasi ka pasur probleme me frymëmarrjen. Kështu është vendosur menjëherë për ndërrimin e Agueros, që shqetëson jo pak me gjendjen e tij. /Sport Ekspres/