Dejvi Bregu ka qenë protagonist në ndeshjen e sotme mes Gaziantepit dhe Bolusporit. Ndeshja ka përfunduar me rezultatin 3-1 për Gaziantepin, që ka siguruar kualifikimin për në fazën e e 1/8-ave të Kupës së Turqisë.
Goli i vetëm për Bolusporin mban autorësinë e Bregut, i cili ka shënuar në minutën e 87. Një gol mbresëlënës nga lojtari shqiptar, që e dërgon topin në këndin ku bashkohet shtylla me traun e portës. Por pavarësisht goditjes perfekte, goli vlen vetëm për statistikë, pasi Boluspori e përfundoi këtu rrugëtimin në Kupën e Turqisë./Halit Delibashi-Sport Ekspres/