Për herë të parë në historinë e Champions League kemi parë skena si ajo e fundit të takimit mes Atletico Madrid dhe Leverkusen. Rezultati ishte 2-2, ndërsa vendasit kërkonin me patjetër fitoren për të shpresuar ende për kalimin më tej. Pas një goditje këndit të spanjollëve, arbitri vërshëlleu për fundin e takimit.
Teksa lojtarët po iknin në dhomat e zhveshjes, nuk munguan protestat e vendasve te gjyqtari për një penallti të munguar. Në mënyrë krejtësisht të habitshme dhe papritur, arbitri vërshellu sërish për të shkuar te VAR, si të kishte harruar se ndeshja kishte përfunduar. Më pas ai do të akordonte 11-metërshin që do të humbej nga Carrasco dhe Atletiko do të eliminohej nga Champions League. /Sport Ekspres/