Rikthimi ka ardhur në mënyrën më të mirë të mundshme për Vedat Muriqin. Sulmuesi shqiptar ka bërë një sezon mjaft pozitiv me Fenerbahçen dhe në rifillimin e kampionatit turk e nis po aty ku e ka lënë. Megjithëse nuk hyri në fushë nga minuta e parë, futbollisti dardan ka arritur të tundë rrjetën.
Goli do të vinte në minutën e 86 falë një 11 metërshi. Muriqi do të tregohej i saktë përballë portierit kundërshtar dhe do e dërgonte topin me sukses në rrjetë për të vendosur baraspeshën përballë Kaiserisporit, që udhëhiqte takimin. Ndërkohë vetëm 2 minuta më vonë Luiz Gustavo dyfishon shifrat për t’i dhënë kështu 3 pikët Fenerbahçes, e cila luajti që nga minuta e 12 me një lojtar më pak. Një përmbysje e çmendur kjo e klubit nga Stambolli./Halit Delibashi-Sport Ekspres/