Sigurisht që në momentin që akordohet një 11-metërsh, ekipi që e fiton apo tifozeria e saj gëzojnë gati-gati sikur po festojë një gol. Normalisht që shanset më të mëdha janë që penalltia të kthehet në gol.
Edhe pse shumëkush mund të mendojë që më e keqja është që ta humbasësh penalltinë, me një goditje që lë shumë për të dëshiruar, gabohet! Ja që ka dhe më keq!
Në një vide të postuar nga “GazzettaTV.it” duket një futbollist, me shumë gjasa i një lige amatore, që godet një penallti. Gjërat shkojnë keq, pasi lojtari nuk e godet siç duhet topin, por më shumë gjuan tokën dhe rrëzohet. Kaq ka mjaftuar që të plasin të qeshurat dhe dikush që e ka filmuar rastin e ka bërë mjaft virale.