Ditën e sotme, ballshiotët thyen “mallkimin” e fazës së tretë, kur në minutën e 90-të Goxhaj shënoi golin e fitores përballë Teutës, për t’i dhënë tre pikëshin skuadrës që e largon nga zona e ftohtë.
Por kthehemi edhe në një tjetër lajm fantastik për Bylisin ku ështe inaguruar kompleksi stërvitor i F.K Bylis. Ka qenë vetë presidenti i klubit, Besnik Kapllanaj, që ka shpërndarë pamjet nga brenda dhe jashtë ambientit. Ajo çfarë bie në sy është pamja mbreslënëse e ndërtesës që vështirë se mund të gjenden dhe në kryeqytet.
Presidenti i klubit ka premtuar shpesh herë se lojtarët e tij do të kishin një ambient tepër të modernizuar, por askush nuk e priste në këtë mënyrë. Ky ështe një super investim për ekipin e Bylisit, që do ta ndihmojë të ketë shfaqje dinjitoze në sfidat në vazhdim. /Sport Ekspres/