Armando Broja e nisi për herë të parë si titullar me Chelsea, teksa londinezët barazuan 0-0 në transfertën me Brentford. Sulmuesi shqiptar tregoi një paraqitje të mirë duke dëshmuar të gjitha vlerat e tij në shpejtësi dhe driblim.
Por sigurisht që sulmuesi matet me gola apo asist, Broja nuk arriti të linte gjurmë. Futbollisti shqiptar kishte jo pak mundësi që t’i jepte avantazhin Chelsea. Ajo që vihej re ishte fakti se ishte konfuz para portës.
Pra mbizotëronte dëshira për të shënuar, së bashku me idenë që duhej të pasohej topi, për të dalë në një të mesme e cila nuk i shërbeu askujt, as Brojës dhe as shokëve të ekipit. Kritikat e vetme të tifozëve për Brojën ishte minuta e 39 ku nxori nga hiçi një rast, por nuk i pasoi Mount. /Sport Ekspres/