LIVE, Uells-Shqipëri 0-0
Shqipëria ka luajtur sot ndeshjen e parë miqësore për muajin qershor. Kuqezinjtë kanë dalë të pamposhtur nga Uellsi, ku kanë barazuar në shifrat 0-0. Ky test miqësor përfundon me përshtypjet më të mira për mbrojtjen, e cila tregon lartësinë e duhur përgjatë 90 minutave dhe nuk i jep aspak mundësi kundërshtarëve të kërcënojnë portën. Madje goditja e parë në portë për uellsianët do të vinte në pjesën e dytë, por edhe atëherë Selmani do të tregonte se e meriton të jetë mes shtyllave.
E nëse mbrojtja e kreu me sukses detyrën e vetë e njëjta gjë nuk mund të thuhet për sulmin. I vetmi rast i rrezikshëm ishte ai rast i Manajt në pjesën e parë, por që fatkeqësisht e dërgoi topin sipër traut të portës./Halit Delibashi-Sport Ekspres/
Vetëm pak minuta më parë është publikuar edhe formacioni zyrtar i Shqipërisë kundër Uellsit. Kuqezinjtë do të përballen në një ndeshje miqësore ndaj kundërshtarëve të njohur në arenën e futbollit dhe që janë pjesë e Europianit 2021.
Shumë ndryshime vijnë te Shqipëria për ta nisur që nga porta, atje ku është Selmani që merr besimin nga minuta e parë. Mbrojtja është e paprekshme për t’ia besuar Gjimshitit, Kumbullës dhe Ismajlit. Ndërkohë në majën e sulmit kthehet Bekim Balaj në mënyrë që të lërë gjurmë në këtë ndeshje dhe të tërheq vëmendjen e klubeve europiane pasi është larguar nga Sturm Grazi. /Sport Ekspres/
