Vllaznia ka marrë një dush të ftohtë në ndeshjen e parë të Kupës së Shqipërisë ndaj Labërisë. Këta të fundit kanë fituar në shifrat 2-1 dhe treguan më shumë dëshirë për t’ia dalë në fushën e blertë. Kjo shërben si një dëshmi e qartë se ndeshjet nuk fitohen kurrë në letër dhe se gjithmonë duhet të djersisësh për të fituar.
Menjëherë pas vërshëllimës së arbitrit, Brdaric ka shkuar te kryesori duke u ankuar dhe duke kërkuar më shumë minuta loje. Ndërkohë lojtarët e Vllaznisë u larguan menjëherë nga fusha e blertë, duke ia lënë festën Laberisë, lojtarët e së cilës nuk i besonin syve për suksesin e arritur. /Sport Ekspres/