Ksavi Hernandez vijon të mahnisë. Edhe pse numëron plot 39 vite mbi supe, spanjolli ka ende klas në këmbët e tij dhe dhuron akoma spektakël.
Pasditen e sotme, ekipi i tij Al Sad, luante në transfertë ndaj Pakatorit të Uzbekistanit, ndeshjen e vlefshme për grupet e Champions Leagues aziatike.
Ndeshja përfundoi në barazim 2-2, me të dy golat e Al Sad që u shënuan nga Ksavi. Spektakël i vërtetë i mesfushorit, ku fillimisht finalizoi një aksion të bukur, ndërsa pak minuta më vonë shndërroi në gol një faull, duke shpalosur të gjithë klasin e tij.