Nga Klaudio Ndreca
Juventusi ka dalë me një fitore që kishte aromë titulli, teksa mposhti në shifrat 2-1 Lacion. Goli i vetëm për lacialët erdhi nga ana e Imobiles që u tregua i saktë nga pika e bardhë e penalltisë në minutën e 82.
Por për vetë sulmuesin ky realizim nuk ishte edhe aq i parëndësishëm. Kjo pasi gjendet në kuotën e 30 golave së bashku me Ronaldon, ndërsa janë duke luftuar së bashku për të rrëmbyer vendin e parë, kur kanë mbetur edhe pak ndeshje nga fundi.
Sulmuesi portugez i ka dhënë disa këshilla dhe i ka treguar krahun portierit Shezni, përpara se të ekzekutohej penalltia. Portieri i Juventusit do ta kuptonte idenë, por nuk mund të bënte asgjë përpara goditjes aq të fortë të Imobiles. Kjo është hera e dytë që Ronaldo bashkëbisedon me Sheznin përpara penalltisë të kundërshtarit, teksa kërkoi të vendoste në presion edhe Ibrahimoviç në një skenë të ngjashme, por pa i’a dalë dot. /Sport Ekspres/