Luftëtari-Skënderbeu 0-1 Krasniqi 76′
Skënderbeu ka arritur të fitojë me rezultatin 0-1 ndaj Luftëtarit. Një ndeshje kjo që nuk ishte aspak e lehtë për korçarët për të mbërritur te fitorja. Ekipi i Dajës ka marrë tre pikë me shumë vlerë ndaj një kundërshtari të lehtë në letër.
Por Luftëtari është treguar dinjitoz duke i hasur shumë probleme miqëve. Takimi do të vendosej në minutën e 76 ku pas një krosimi të bukur nga krahu i majtë, Krasniqi dërgoi topin bukur me kokë në cepin e rrjetës. Pas kësaj fitore korçarët ngjiten në vendin e katërt dhe ndodhen vetëm një pikë larg Laçit dhe duke kaluar Teutën, ekipe këto që kanë 1 takim me tepër për të zhvilluar. /Sport Ekspres/
Luftëtari: Shala, Dragoshi, Duka, Isufi, Malaj, Hyseni, Puci, Alinani, Lika, Mehmetllari, Çelaj
Skënderbeu: Koliçi, Pollozhani, Dita, Jashanica, Pëllumbi, Gripshi, Taipi, Mara, Bregu, Krasniqi, Mensah