Juventusi është duke udhëhequr me shifrat 1-0 kundër Napolit. Në Torino ka ardhur shumë shpejt goli, teksa në minutën e 12 Ronaldo tund rrjetën kundërshtare. Megjithatë meritat kryesore për këtë gol të shënuar i ka Kieza, i cili bën gjithçka mirë në krahë.
Përballë tij gjendeshin Insinje dhe Elseid Hysaj, por me mjaft mjeshtëri ia ka dalë ti nxjerrë të dy jashtë loje. Me një lëvizje mashtruese, Kieza “huton” mbrojtësin shqiptar dhe më pas gjen Ronaldon në zonë, i cili nuk mund të gabojë për të dërguar topin në rrjetë./Halit Delibashi-Sport Ekspres/