Jurgen Goxha po kalon një moment mjaft të mirë me skuadrën e Sabailit. Mbrojtësi shqiptar është kthyer sërish protagonist ditën e sotme, ku ka gjetur për herë të dytë golin në këtë sezon. Në minutën e fundit të pjesës së parë, ish-futbollisti i Bylisit godet topin me pjesën e sipërme të kokës dhe i jep një trajektore që i shtang të gjithë kundërshtarët.
Sfera ndalet më pas në rrjetë dhe festa i takon e gjitha Goxhës dhe ekipit të tij. Por pavarësisht kësaj, lojtari shqiptar nuk mundi ti jepte skuadrës së tij të paktën një pikë, pasi Zira fitoi takimin me rezutatin përfundimtar 2-1./Halit Delibashi-Sport Ekspres/