Pas fitimit të Europianit, Italia po vazhdon me të tjera suksese në sport. Sa i përket Lojërave Olimpike në Tokyo, e gjithë vëmendja ishte përqendruar në garën për 100 metra. Kush do t’i merrte vendin e parë dhe të mbyllte dominimin e Usain Bolt? Ishte pikërisht Lamont Jacobs që përfaqësoi Italinë i cili e mbylli garën i pari me kohën 9.80.
Por si u përgatit Jacobs për të mbërritur te suksesi? Së fundmi është “Sky Sport” që tregon pak nga stërvitja e atletit përpara garës së fituar. Ai shihet teksa ndjek shpejtësinë e makinës në pistën e vrapimit duke tejkaluar veten që në stërvitje, në mënyrë që të nxirrte përtej limiteve të tij në garë. /Sport Ekspres/