Italia ka treguar formën e mirë që po gëzon nën drejtimin e Mancinit. Trajneri italian nga sjellë një frymë tjetër në Kombëtare, ku i ka kushtuar vëmendje talenteve të rinj. Axurrët kanë shpartalluar mbrëmjen e sotme kundërshtarët e Moldavisë. Testi miqësor është kaluar me sukses nga Kombëtarja e Italisë, që ka tundur plot 6 herë rrjetën e moldavëve. Madje 5 herë vetëm brenda pjesës së parë.
Por një prej golave ka ardhur edhe si një dhuratë e bukur nga vetë kundërshtarët. Posmac shënon një autogol qesharak nëminutën e 37 të takimit, duke i çuar shifrat në 4-0. Lojtari moldav shkon me vrull në zonën e tij ku ndodhej një prej lojtarëve italian me topin në zotërim. Posmac nuk e ndal aspak vrullin dhe godet kështu topin që më pas ndalet vetëm nga rrjeta./Halit Delibashi-Sport Ekspres/