Sandro Vagner vendosi që të largohej nga Bajerni në mes të sezonit, kjo edhe për faktin se po merrte shumë pak minuta, por edhe se një ofertë faraonike i kishte ardhur nga Kina e largët.
Gjermani u bashkua me Tianxhit Tedan, por ende nuk kishte arritur të bëhej protagonist. 31-vjeçari gati e kishte harruar shijen e golit, pasi prej 14 muajsh nuk shënonte.
Gjithsesi, zhbllokimi më në fund erdhi në sfidën e djeshme në shtëpi ndaj Shandon Luneng. Vagner jo vetëm theu mallkimin e golit, por shënoi dy herë, duke i dhënë tri pikë të arta ekipit të tij.
Fillimisht gjermani shënoi me kokë në minutën e 15-të, ndërsa në pjesën e dytë shënoi përsëri pas një inkursioni mjaft të bukur individual.