Napoli nuk arriti që të kualifikohet për në “Champions League” pasi Verona barazoi ndaj saj në shifrat 1-1. Tërësisht pa objektiva, por ekipi i Juriç arriti që të linte gjurmë në ndeshjen e fundit duke ndihmuar kështu Juventusin që të mbërrijë në kompeticionin më të rëndësishëm europian.
Në momentin që Juriç mbërriti për të dhënë intervistën në “Sky Sport”, pyetja e parë që iu drejtua nuk i pëlqeu aspak. Prezantuesi i solli në vëmendje rezultatet e fundit që ishin të dobëta të Veronës dhe e pyeti sesi ishte e mundur që lojtarët e tij u motivuan aq shumë kundër Napolit, në një ndeshje që nuk vlente për asgjë për ta.
Në këtë moment ka ardhur edhe reagimi i ashpër i Juriç: “Kjo është mungesë respekti, unë nuk e pranoj këtë lloj pyetje. Ekipi im ka dhënë gjithmonë më të mirën, pavarësisht nga situata pao rezultati. Këtë lloj qëndrimi unë nuk e pranoj. Kërkoni falje tani, nuk mund të mos na respektoni kështu”, tha Juriç duke braktisur intervistën.
Një ndjenjë krenarie kjo e trajnerit të Veronës që është cënuar nga pyetja e gazetarit pasi ndali Napolin, duke i mohuar “Champions League”. Ndërkohë në Shqipëri ky lloj diskutimi është kthyer si në një muhabet kafenesh rreth ekipeve që luajnë diku më fortë dhe diku tjetër më dobët, sa i përket impenjimit të tyre, megjithëse nuk kemi parë ende reagime të këtij lloji. /Sport Ekspres/
Sky Sport asking Verona coach Ivan Juric if there was a ‘different attitude’ from them today, compared to their recent games (insinuating they tried harder).
Juric says that’s crap, they should show more respect, that only in Italy would this happen…then storms off ??? pic.twitter.com/ns5P7tMC09
— Il Gobbo Juventino (@juvejuve2021) May 23, 2021