Një performancë e nivelit të lartë ishte ajo e Ezgjan Alioskit kundër Italisë, megjithëse lojtari më i mirë i ndeshjes u shpall një tjetër shqiptar, qendërmbrojtësi Visar Musliu. Në minutën e 65 të takimit, Alioski arriti që t’i hiqte mundësinë e artë të shënimit Berardit.
Goditja e këtij të fundit do të devijohej nga mbrojtësi shqiptar për të dalë më pas jashtë. Menjëherë ishte portieri i Maqedonisë së Veriut që mbuloi me të puthura Alioskin, për të treguar më së miri shkrirjen e kombësive te kjo Përfaqësuese dhe frymën e bashkëpunimit për një objektiv të vetëm, Botërorin. /Sport Ekspres/