Barcelona B ka pësuar humbje në përballjen e zhvilluar kundër ekipit të FC Andorra, duke u mundur në shifrat 0-1. Nga minuta e parë ka luajtur në “Johan Cruijff Stadium” sulmuesi i Shqipërisë, Rei Manaj, por pa arritur që të gjejë rrugën e rrjetës.
Futbollisti kuqezi ka shpërdoruar disa raste dhe po rikthehet sërish në “thatësirën e golit” pas një ecurie fantastike me katalanasit e vegjël. Këtë herë ishte edhe një vizitor i veçantë, Gerrard Pique. Ky i fundit ka një pjesë të aksioneve te FC Andorra dhe kishte mbërritur në stadium duke përfituar nga dëmtimi i tij që e linte jashtë ndeshjes së mbrëmjes që u zhvillua me Betisin. /Sport Ekspres/