Amarildo Bakaj është kampioni më i ri i botës në WBO Youth Light Heavyweight. Mbrëmjen e sotme boksieri shqiptar ka mposhtur rivalin e tij, Jon Mbanugu. Përleshja mes tyre u zhvillua në Lezhë dhe zgjati vetëm 4 raunde.
Pikërisht në raundin e 4-t, Bakaj i dha ganezit goditjen e ‘knock out’-it. E djathta e 25-vjeçarit gjunjëzoi kundërshtarin, i cili nuk mundi të ngrihej dot përsëri në këmbë. Kështu Amarildo Bakaj u shpall fitues dhe ruan ende rekordin e tij si i pamposhtur. Ai numëron 11 fitore në 11 duele të zhvilluara, të gjitha të fituara me “knock out”./Halit Delibashi-Sport Ekspres/
Amarildo Bakaj (11-0, 11 KOs) ?? is the new WBO Youth Light Heavyweight World Champion. He defeated Jon Mbanugu (10-1-1, 10 KOs) ?? in the fourth round in Lezhe, Albania. pic.twitter.com/ijKJbSS6oQ
— Permante (@PermantexG) August 4, 2024