Ermal Krasniqi tregoi nivel të lartë që në debutimin e tij me CFR Kluzhin. Futbollisti shqiptar e ka nisur me një gol dhe një asist përvojën e re me kampionët e Rumanisë. 24-vjeçari ishte pjesë e suksesit historik të Ballkanit të Ilir Dajës nga ku doli në pah edhe në arenën europiane. CFR Kluzh pagoi për kartonin e tij në merkaton e këtij muaji dhe duket se ia ka vlejtur çdo qindarkë e shpenzuar për të.
Sulmuesi anësor ia ka shpërblyer me gol dhe asist që në ndeshjen e tij të parë në kampionatin rumun. Ishte pikërisht Krasniqi ai i cili hapi serinë e golave në transfertën kundër Farul Konstantës, duke tundu rrjetën në minutën e 49 të takimit. Ndërkaq, në minutën e 77 shfaqet sërish si protagonist, duke dhënë asistin për golin e tretë të takimit. Ndeshja përfundon me rezultatin 0-3 për CFR Kluzhin, cila kalon Farul Konstantën në renditje dhe merr kreun e klasifikimit./Halit Delibashi-Sport Ekspres/
?? – This is Ermal Krasniqi goal on his Cluj debut!
Well played Ermal! ????pic.twitter.com/8EgAYgQlh2
— Kosovan Football ?? (@kosovanfooty_EN) January 23, 2023