Ndeshja mes Partizanit dhe Dinamos nuk ka zhgënjyer për pritshmëritë mbi nivelin e lojës dhe rastet e rrezikshme. Më veçanërisht ishin goditjet jashtë porte që i dhuruan më tepër spektakël kësaj sfide.
Këtë herë me saktësi jo të pakët, ku megjithëse nuk përfunduan në gol, e rrezikuan jo pak herë portën. Në minutën e 63 do të vinte një goditje spektakolare nga ana e Cinedu, nga ato që rrallëherë i shohim në Superiore.
Topi po shkonte drejt rrjetës dhe do të ishte një mbyllje e bukur jo vetëm për këtë fundvit, por ndoshta do të ishte goli më i bukur i këtij sezoni të Superiores. Por në të njëjtën lartësi ishte edhe Teqja që bëri të pamundurën për ta evituar golin. /Sport Ekspres/