Gareth Bale e ka nisur me trofe aventurën e tij në SHBA. Los Angeles fitoi dje Kupën e MLS-së përballë Philadelphia. Koha e rregullt përfundoi me rezultatin 2-2, çka bëri që ndeshja të shkonte në shtesa. Shifrat mbetën të tilla deri në minutën e 120, kur gjyqtari i katërt akordoi edhe 9 minuta shtesë mbi shtesën. Pikërisht këtu fillojnë edhe emocinet më të mëdha.
Elliot kalon Philadelphia-n në avantash në minutën e 124-t, duke bërë të mendohej se tashmë u përcaktua fituesi në këtë finale. Por loja përfundon atëherë kur dëgjohet vërshëllima e trefishtë dhe këtë e vërtetoi Gareth Bale. Ky i fundit tund rrjetën në minutën e 128 dhe ngre peshë gjithë tifozët që ishin të pranishëm në stadium. Sfida përfundon në baraspeshë dhe skuadrat i drejtohen penalltive. Në duelin e 11 metërshave Los Angeles tregohet më i saktë, duke u shpallur fitues i MLS-së./Halit Delibashi-Sport Ekspres/
Gareth Bale ties the MLS CUP in the 128th minute ?
— SPORTbible (@sportbible) November 5, 2022