VIDEO/ Gafë e pafalshme nga Varan, Shaktjori “shkel” Realin e Madridit që në pjesë të parë

0

Turpërimi nga modestët e Kadizit në La Liga tashmë po i lë vendin atij në Champions League nga Shaktjori i Donjeskut. Ukrainasit kanë bërë për ujë të ftohtë Realin e Madridit në pjesën e parë të takimit, teksa udhëheqin në kryeqytetin spanjoll me shifrat 0-3.

“Galaktikët” fusin ujë ngado në mbrojtje, ku mungesa e kapitenit Serxho Ramos po ndihet së tepërmi. Prapavija çahet lehtësisht në minutën e 29, kur Tete gjen golin e parë për ukrainasit. Vetëm 4 minuta më vonë është Varan ai që i jep një dorë kundërshtarëve, teksa kryen një gafë të pafalshme dhe e dërgon topin në portën e tij.

Ndërkohë turpërimi nuk ndalet me kaq, pasi pak para përfundimit të pjesës së parë, është Solomon që i dërgon shifrat në 0-3 për Shaktjorin. Ukrainasit kanë “shkelur” kështu skuadrë ne Zidanit në Madrid, ndërsa kujtojmë se janë luajtur vetëm 45 minuta lojë deri më tani./Halit Delibashi-Sport Ekspres/

You might also like

Leave A Reply

Your email address will not be published.