PSG nuk i mjaftuan vetëm yjet për të mundur Lyon në kampionat, por kërkonte edhe pak favorizim nga arbitrat. Sigurisht, nëse mund të quhet pak! Paqueta realizoi golin e parë në minutën e 54, ndërsa vetëm 10 minuta më vonë, Neymar barazoi nga penalltia.
Por 11-metërshi që mori ylli brazilian ishte shumë i dyshimtë. Neymar është mbajtur te fanella e kundërshtarit dhe madje duke vendosur dorën në qafën e tij, por arbitri e ka dhënë penallti për PSG. Përsëritjet e pamjeve tregon qartësisht se faulli duhej të ishte për Lyon në atë rast, ndërsa VAR nuk ka ndërhyrë.
Ndërkohë edhe një tjetër rast i diskutueshëm është faulli i Di Marias. Ky i fundit sheh se nuk ka asnjë mundësi për të shkuar te topi dhe godet menjëherë kundërshtarin në këmbë. Një ndërhyrje e ashpër kjo që meriton menjëherë ndëshkimin me karton të kuq, por edhe këtë herë VAR nuk ndërhyri. /Sport Ekspres/
Dommage que turpin est mal place pour voir le tacle #PSGOL pic.twitter.com/hwd9AyWjRU
— OLopes ?? #OlympiqueDoLyounnais?? (@Lopes69OL) September 19, 2021