Partizani ka arritur të rikthehet te fitorja në kampionat pas 3 humbjeve radhazi, pasi ka mposhtur Vllazninë me rezultatin minimal 1-0. Kjo ka qenë edhe fitorja e parë për Kalarin si trajner i përkohshëm në stolin e të kuqve. Goli i vetëm i këtij takimi erdhi gjatë pjesës së dytë, teksa Bitri arrin të dërgojë me kokë topin në rrjetën kundërshtare në minutën e 63.
Partizani shkon kështu në pikë të barabarta me rivalët e tij të qytetit, duke grumbulluar të dy nga 28 pikë, vetëm 3 më pak se kryesuesit e Kukësit. Ndërkohë kjo humbje i dërgon shkodranët në vendin e 7 në renditje, me vetëm 23 pikë të fituara në këto 17 ndeshje të para./Sport Ekspres/