Arsenali ka marrë sot një fitore dramatike. Lutoni ka befasuar për një moment “topçinjtë”, të cilët arritën të shijonin tre pikët vetëm në sekondat e fundit të lojës. Martineli ngriti siparin e golave në minutën e 20, por vetëm 5 minuta më vonë Osho ktheu sërish baraspeshën. Gabriel Zhezusi i dha sërish epërsinë Arsenalit në minutën e 45, por kundërpërgjigja erdhi në të 49-n nga Adebajo.
Barkley i jep për herë të parë avantazhin Lutonit në minutën e 57, megjithëse festa për ta zgjati vetëm 3 minuta. Aq iu nevojit Havertcit për të çuar shifrat në 3-3. Kur të gjithë prisnin vërshëllimën përfundimtare të arbitrit, Rajsi shënon golin e “knock out”-it. Lojtari i Arsenalit shkundi rrjetën në minutën e 97, duke siguruar një fitore për njerëz me zemër të fortë. Ekipi i Artetës udhëheq tabelën e Ligës Premier, ndërsa Lutoni renditet në vendin e 17./Halit Delibashi-Sport Ekspres/
We should pay £200M more for Declan rice ??????pic.twitter.com/WtxDcgKvLZ
— Carol?? (@AFC_Carol) December 5, 2023