UEFA vendosi që në fazën e grupeve të kampionatit evropian për lojtarët nën 21 vjeç, gjyqtarët të mos kenë ndihmën e VAR-it dhe për këtë po paguajnë një çmim të lartë. Italia pagoi pasojat në ndeshjen hapëse ndaj Francës, ku tre gabime të rënda arbitrimi i kushtuan shumë në humbjen e pësuar.
Mungesa e teknologjisë VAR shkaktoi një nga gabimet më të mëdha të arbitrave në vitet e fundit në ndeshjen mes Ukrainës dhe Spanjës. Të dyja skuadrat kanë kaluar tashmë fazën e grupeve, por në lojë ishte fitimi i vendit të parë në grup. Spanja hyri në ndeshje si e renditur më mirë nga gol diferenca dhe i mjaftonte barazimi.
Sa i përket rastit që mori vëmendjen, ishte portieri ukrainas që humbi topin, Riquelme e mori sferën dhe arriti të shënonte. Por arbitri lituanez e anuloi golin për arsye komplet të pakuptueshme dhe kjo shihet fare qartë në video. /Sport Ekspres/