Ernest Muci ka bërë një debutim të një klasi të lartë me Beshiktashi. Vetëm dy stërvitje dhe Muci ishte lojtari më i mirë i takimit në përballjen kundër Kaysespor, e mbyllur në barazimin pa gola.
Vetëm goli ose asisti i mungoi lojtarit të Shqipërisë në këtë përballje, që dëshmoi se pse Beshiktashi pagoi 10 milionë euro për të. Pavarësisht se Santos e kishte lënë në krahun e djathtë, atje ku Muci nuk ka luajtur kurrë në karrierë, pavarësisht terrenit jo të mirë të fushës së Kaysespor, Ernesti nuk përmbahej me driblimet duke dhuruar spektakël, teksa i trajtoi kundërshtarët si piketa. /Sport Ekspres/