Në momentin më kritik të Soljskaer, atje ku ishte duke u diskutuar edhe shkarkimi i tij, ka ardhur fitorja ndaj Evertonit. Manchester United ka marrë tre pikë shumë të vështira në transfertë ndaj ekipit që të Ançelotit që po surprizon në këtë sezon të “Premier League”. Vendasit kaluan të parët në avantazh në minutën e 19 me Bernard, por Bruno Fernandes realizoi dopietë në harkun e shkurtër kohor të 7 minutave, duke barazuar në të 25 dhe kaluar në avantazh “djajtë” në të 32.
Rezultatin në 1-3 e ka mbyllur në minutën e fundit të takimit “El Matador”, Edinson Cavani, prurja e bujshme e Manchester United që gjen rrjetën në “Premier League”. Kjo ndeshje ka prodhur lajm në mediat botërore edhe për një fakt tjetër interesant. Përpara fillimit të takimit në qiell ka fluturuar një banderolë politike për zgjedhjen në SHBA. “E gjitha bota e di se Trumpi fitoi”, ishte mesazhi i përcjellë në të. /Sport Ekspres/
Cavani’s goal 3-1. Sweet assist from Bruno. pic.twitter.com/GSnWSW3MA2
— Alex (@GeniusMUFC) November 7, 2020
