Derbi i parë i Milanos i ka përmbushur pritshmëritë për sportdashësit. Spektakli dhe golat nuk kanë munguar përgjatë përballjes së zhvilluar mbrëmjen e sotme. Milano këtë herë është veshur kuqezi, teksa Milani ka fituar me rezultatin 3-2.
Të parët që kaluan në avantazh ishin lojtarët e Interit, që gjetën golin në minutën e 21-të me anë të Brozoviçit. Vetëm 7 minuta më vonë, Leao kthen baraspeshën. Pjesa e parë përfundoi në baraspeshë 1-1, ndërsa në të dytën kampionët e Serisë A përmbysën shifrat. Giroud në të 54-tën dhe Leao në të 60-tën i dërgojnë shifrat në 3-1. Interi kundërpërgjigjet me Dzekon në të 67, por kaq nuk mjafton. Maignan ishte në mbrëmjen e tij, duke i mohuar disa herë golin Interit./Halit Delibashi-Sport Ekspres/